२६ वैशाख शुक्रवार ,नगर अनुदान शिक्षकहरुलाई शिक्षण विधि तथा विद्यार्थी मूल्याङ्कन सम्बन्धी तालिम सुरु
बागचाैर नगरपालिका शिक्षा युवा तथा खेलकुद शाखाकाे आयोजनामा नगर अनुदान शिक्षकहरुलाई शिक्षण विधि तथा विद्यार्थी मूल्याङ्कन सम्बन्धी २ दिने तालिम बागचाैरमा सुरु भएको छ ।
नगर प्रमुख गौतमले समग्रमा शिक्षा क्षेत्रको गुणस्तर बढाउन शिक्षक तालिमको आवश्यकता पर्दछ । शिक्षक तालिममा सिकेका नयाँ विधि, ज्ञान, तौरतरिका विद्यार्थीमा दिई विद्यार्थीको क्षमता अभिवृद्धि भएमा मात्र शिक्षा क्षेत्रमा भएको लगानीको प्रतिफल आउन सक्दछ ।
हालको परिवेशमा अब्बल दर्जाको र व्यावहारिक ज्ञान, विधि, प्रविधिसमेतको पहुँचमा ल्याई एक्काइसाँै शताब्दीको विश्वव्यापीकरणको समयमा तालिमको विकल्प तालिम नै हो । जुन कि प्रभावकारी ढङ्गले सञ्चालन गरी कक्षा कोठामा पु¥याउन अपरिहार्य रहेको छ । शिक्षक तालिमको व्यवस्था र अवस्था विश्लेषण गर्दा प्रतिफल उच्च बनाउन थप मेहनत र थप लगानीको आवश्यकता रहेको देखिन्छ । त्यसपश्चात् मात्र शिक्षक तालिमबाट सिकेका जतिका कुरा कक्षा कोठामा प्रयोग गर्न सक्छन् र विद्यालयमा सिकाइ उपलब्धिमा वृद्धि हुने अपेक्षा राख्न अनुरोद गर्नु भयो ।
नगर प्रमुख एवम् शिक्षा समिति अध्यक्ष जनकराज गाैतमकाे अध्यक्षतामा भएको तालिमको उद्घाटन समाराेहमा, निमित्त प्रमुख प्रशासकीय अधिकृत हरि बहादुर कठायत, नगर प्रवक्ता दिपेश डि.सी, शिक्षा शाखा प्रमुख नरेन्द्र प्रसाद भट्ट, शिक्षा शाखामा कार्यरत तिलक वली, प्रशिक्षक ललित पुन, डा. पूर्ण बहादुर भण्डारी, दामोदर शर्मा, नगर अनुदान शिक्षक लगायतको सहभागीता रहेकाे थियो ।
