🏸 बागचौरमा खेल पूर्वाधार विस्तार : ब्याडमिन्टन कबड हल शिलान्यास

बागचौर नगरपालिका वडा नं. २, बागचौरमा निर्माण हुन लागेको ब्याडमिन्टन कबड हलको मंगलबार एक विशेष कार्यक्रमबीच शिलान्यास गरिएको छ ।
खेल पूर्वाधार विकास तथा खेल गतिविधिलाई थप प्रोत्साहन गर्ने उद्देश्यले निर्माण हुन लागेको उक्त हलको शिलान्यास कर्णाली प्रदेश सभा सदस्य तथा पूर्व मन्त्री भिम प्रकाश शर्मा, प्रदेश सभा सदस्य लक्ष्मी सुनार, बागचौर नगरपालिका प्रमुख जनकराज गौतम, उपप्रमुख सुम्निमा डि.सी वली लगायत विभिन्न जनप्रतिनिधि तथा सरोकारवालाहरूको उपस्थितिमा सम्पन्न भएको हो ।

कार्यक्रममा नगर प्रवक्ता तथा वडा नं. २ का अध्यक्ष दिपेश डि.सी, वडा नं. ६ का वडा अध्यक्ष ज्ञान बहादुर वली, वडा नं. ११ का वडा अध्यक्ष केश बहादुर भण्डारी, सामाजिक विकास कार्यालय सल्यानका प्रमुख कृष्णप्रसाद अधिकारी, प्राविधिक कर्मचारी, निर्माण व्यवसायी, खेलाडी तथा स्थानीयवासीहरूको उल्लेखनीय सहभागिता रहेको थियो ।
कर्णाली प्रदेश सामाजिक विकास मन्त्रालयको ४५ लाख रुपैयाँ लागतमा निर्माण हुन लागेको उक्त कबड हलको निर्माणको जिम्मा यरिङका निर्माण सेवा ले पाएको छ ।

निर्माण सम्पन्न भएपछि बागचौर क्षेत्रमा खेलकुद गतिविधि सञ्चालन गर्न सहज हुने, खेलाडी उत्पादनमा टेवा पुग्ने तथा युवाहरूलाई खेलप्रति थप आकर्षित गर्न महत्वपूर्ण योगदान पुग्ने अपेक्षा गरिएको छ ।