मंसिर २८, सल्यान बागचौर नगरपालिका १२ धुराखर्कमा मंगलबार बिहान ट्याक्टर दुर्घटना हुदा चालकको मृत्यु भएको छ ।
रोल्पाबाट रुकुम तर्फ जाँदै गरेको रा १ त १६९८ नम्बरको ट्याक्टर दुर्घटनामा परी चालकको मृत्यु भएको हो।
दुर्घटनामा परि घाइते बनेका गंगादेव गाउँपालिका ४ गैरानेटाका ४८ वर्षीय ट्याक्टर धनी समेत रहेका चालक गंज बहादुर डाँगीको उपचारका लागि लिदै गर्दा बाटोमा मृत्यु भएको जिल्ला प्रहरी कार्यालय सल्यानले जानकारी दिएको छ ।
घटनास्थलमा इलाका प्रहरी कार्यालय थारमारेका प्रहरी निरिक्षक शुशिल थापा मगरको कमाण्डमा ५ जना र इप्रका सिमखोलीबाट प्रहरी नायब निरिक्षक नरेन्द्र बहादुर चान्दको कमाण्डमा ४ जनाको प्रहरी टोली खटिएको छ ।
ट्याक्टर के कारणले दुर्घटना भयो भन्नेबारे अनुसन्धान भैरहेको प्रहरीले जनाएको छ ।
