असोज ३१,नेपाल विद्युत प्राधिकरण सल्यान वितरण केन्द्रले शनिबार बिहान सात बजेदेखि दिउँसो एक बजेसम्म विद्युत सेवा बन्द हुने जनाएको छ।
शितलपाटी र बागचौर सबस्टेशनका सबै फिडरमा यो अवधिमा आपूर्ति अवरुद्ध रहनेछ।
तुलसीपुरदेखि शितलपाटी र शितलपाटीदेखि थारमारेसम्मको ३३ के.भी. प्रशारण लाइन वरपर रहेका रुखका हाँगा हटाउने कामसँगै,
त्रिवेणी–सल्लेखोलातर्फ पोल थप्ने र मर्मत गर्ने कार्यका कारण विद्युत बन्द गर्न लागिएको हो।
वितरण केन्द्रका प्रमुख दिनेश पौडेलका अनुसार,
काम तोकिएको समयअघि सम्पन्न भएमा सेवा पुनः सुचारु गरिनेछ,
तर मौसम प्रतिकूल भएमा समय परिवर्तन हुन सक्नेछ।
