जेष्ठ १७
मनिशा गौतम
सल्यानमा मोटरसाइकल दुर्घटना हुँदा एक जना गम्भीर घाईते हुनुभएको छ। सदरमुकाम खलंगा बाट श्रीनगर आउदै गरेको भे १ ख ११८५ नम्बरको पिकअप भ्यान र श्रीनगरबाट खलंगा जाँदै गरेको रा ७ प १२९६ नम्बरको मोटरसाइकल दिउँसो १२ बजे जिल्ला अस्पताल नजिकै एक आपसमा ठोक्किएर दुर्घटना परेका हुन ।
दुर्घटनामा मोटरसाइकल चालक संजय केसी गम्भीर घाइते हुनुभएको छ । मोटरसाइकल पछाडि सवार प्रतिभा खड्का घाईते हुनुभएको जिल्ला ट्राफिक कार्यालय सल्यानले जानकारि दिएको छ । केसीको दायाँ खुट्टामा र हातमा गम्भीर चोट लागेको छ ।
केसीलाई थप उपचारका लागि नेपालगञ्ज पठाईएको छ भने खड्काको अवस्था सामान्य रहेको छ । मोटरसाईकल चालक केसी सल्यान शारदा नगरपालिका अन्तर्गत पशुशाखामा कार्यरत हुनुहुन्छ । दुबै सवारीसाधन प्रहरीको नियन्त्रणमा छन् ।
